雖然對81keys有若干批評，不過大致上都玩得幾開心。覺得佢又無咩非常明顯嘅優點，但唔知點解就係能夠令到玩家個心情感覺幾好。

衣家槍兵45等，喺詠夜鎮影嘅相：

無聊啊……好無聊啊。81keys隻槍兵唔想繼續升，因為啲技能點到亂七八糟。但重練一隻我又覺得唔值得，因為81keys真係無咩內容。個game只係最初期感覺討好(人物、畫面、介面之類)，但玩落去真係唔得。我諗……或者其實整game嘅人都唔鐘意打機(唔單指81keys)。

好似又夢遊……前晚郁過隻襪，而尋晚我鎖咗門瞓，但今朝我發現道門只係掩埋。唔知我有無夜嘛嘛走咗出去，不過又唔想屋企人半夜有無見到我。

死咗兩隻鼠魚，另外幾隻可能都會死。衣家準備大量換水，希望會有改善。

電腦又拉柴搞咗我N個鐘頭，81keys維修之後更新慢到嘔……今日都無做過啲咩，只係亂揭漫畫，瞓覺，喺電腦前面發呆咁。拿起筆喺筆記簿上塗鴉，不過滿足感係零。好空白，覺得自己好似只係頂住一張人皮，內裡只剩一堆碎屑同舊到已經無意思嘅回憶(人渣嘅正解？)。