今 日都係咁啦，返工，放工。遇見阿頭，佢問我多唔多人攞傳單，哩個問題實在太難答，所以只好含糊帶過。帶咗收音機返工，時間有比較好過，不過返晏始終都係比返早攰。某節目有觀眾來電，觀眾話佢屋企有個「小朋友」，我幻想係個十歲八歲嘅細路，點知佢繼續講話個「小朋友」17歲，聽到有啲囧。跟住就係我自己嘅老問題，依然係唔知自己想要啲咩，一日一日咁過落去係為啲咩。HEAT PROJECT士官長7階，主玩狙，因為改咗camp位所以少咗比人爆頭。

電腦風濕得都幾厲害，搞到一頭煙，打機、上網時間少一大截。

出咗糧，同埋份工有得繼續打落去，所以覺得應該為自己喺工作方面做多啲嘢。買咗手套同潤膚乳好抵擋冬季嘅寒風，同埋令工作時間好過啲嘅耳筒收音機。

奪寶王玩玩吓就出問題，唔知點解我入對戰頻道，個說明畫面唔會關，而其他制又按唔到。我上巴哈問過，但無人回應。咁樣嘅話，實在無辦法玩落去。因為故事模式exp少，而且到一定程度都要去對戰頻道打地圖先可以繼續玩。

今日遇到好多巧合嘅事，遇到消防員、救護員、女廁謎之老人、警察、戴頭套嘅疑犯，而且仲喺公司遇到中學舊同學。不過遇到舊同學我並唔開心，我唔係咁想諗學生時代嘅嘢，亦都唔想哩一類相識對我衣家嘅生活方式有好奇心同評價。此外，亦唔想聽見自己個名，我真係好憎自己個名，唔想有人叫我。

今日嘅新玩兒——奪寶王，因為佢嘅分類喺巴哈唔係喺mmorpg，所以一直忽略咗佢。我無點睇官網，所以都唔係幾清楚哩個game，只知道係開房間式玩法，打打怪、過關卡任務、同玩家pk。入到game感覺都唔錯，但用鍵盤玩人物面向幾難控制，不過輕鬆玩玩我覺得ok啦。

人物——女武鬥家：