繼續病……希望尋晚嘅blog唔會令人覺得太煩，不過我覺得刪的話就更加唔自然。

小說方面，《血案遺孤》未寫完，不過照計劃書寫就唔會有問題，只係時間長短嘅分別啫。此外，有新題材。暫名《亡者殿堂》，大綱寫好未分節。亞爾曼同雪琳可以再出場，真係件好事，我之前一直為佢哋點樣再出場而煩惱。而佛利爾．古爾菲德……今日先出生嘅角色，然後轉眼間又喺故事中死咗，不過我就好鐘意佢。

 (閱讀全文)

唉……都唔知點好。工作方面，四家姐喺度催我搵工。其實對於事業都死晒心……返親工都咁，成日比上司同事整，一次又一次。我相信我再捱唔到幾多次(「謎之痛苦」實在具象化到嚇死人)，直至某一日下到決心跳樓。加上衣家又病，只想無憂無慮咁休息同做自己想做嘅事。事實上上次返工所做成嘅破壞，根本就未復原到，每當諗返起嗰時嘅事就又驚恐又嘔心。我都諗過，搵工的話我頂多都係去派返傳單。只係其他人以為我咩事都無，以為我可以若無其事、毫髮無傷咁向前行。但事實上好似我哩種咁嘅人，根本就無路可以行。咩都無用，工作又好，家庭又好，婚姻又好，綜援都好，通通無用，最終只可以選擇死。到底我幾時可以真係可以下到決心去死呢？真係已經拖得太耐太耐，其實我根本就唔應該出世。繼續等待嗎？等到更絕更絕嘅絕境出現，絕到非死不可嘅情況出現……到時，我或者真係可以死。以前就曾經有個阿伯喺上高跳樓死咗。上高，即係我屋企上面(我住頂樓)。我時常都諗，佢下到決心跳落去，內心一定好痛苦，比我更加痛苦。比起生者，我反而覺得死者先係我嘅同伴，至少佢會明白我係咩感受。

新圖：

小小：

 (閱讀全文)

討厭~>_<~扁桃腺又發炎。

GE方面，今日攞到夏立佛卡、布蘭妮卡同克勞德卡。夏立佛打算同布蘭妮組，克勞德應該會跟瑞茲。其他角色大致上都分配得七七八八，分好組比較易練。衣家解緊羅勒克，不過佢個任務真係麻煩。打龜粉已經打咗一大輪，衣家又要我去泰哈打哩樣嗰樣。都唔知點解，係佢啲任務入面嘅任務道具特別難掉，打極都打唔齊。原本想去里翁架嘛，搞到我留喺泰哈唔走得。順便打商人任務都打咗N轉，換埋一大堆工貝箱返嚟(比較想要大聲公)。

 (閱讀全文)

靠狙擊手同貝勒瑞麗，遊俠同海姐終於都上到40LV。唔知夾硬扯佢地去大宅庭園會唔會太勉強？想快啲去嗰邊，因為我其實都唔係幾鐘意喺都林安練。而狙貝斥隊就去咗泰哈玩咗陣，做任務換咗一堆大聲公，同打到唔少山丘巨人召喚石。然後就去里翁迴廊，哩度超超超正。怪超級多，一大堆湧埋嚟打都打唔晒，但佢哋又唔係好打得我入。下一張圖就係里翁共同，我有去睇過，都係好多怪，喺哩度就比較可能死。不過同人組的話，應該無問題，而且組咗EXP會仲多。但唔知點解迴廊係得我，無其他人。掉寶方面，我相信原廠或華義有調過。我今日同早幾日打嘅裝都好勁，比以前嘅強好多，真係好。有啲我都留返，因為唔知夠唔夠研磨劑再換多啲60等開拓裝。 (閱讀全文)