睇完《華麗的喪服》，有種做咗白痴嘅感覺……

大半本書講由紀母女被神秘男子綁架並同佢發長出感情，另一面講江森警部補失蹤及龜辰事件，但結局係講八重及伊豆原醫院？全部事件嘅關係，其實就只係江森(神秘男子=江森=八重之兄)？其他方面都九唔搭八。想講八重及伊豆原醫院，就寫八重及伊豆原醫院啦，創作出由紀哩個人物把鬼咩，而且仲要佔成大半本書。警署嗰邊更加唔知寫嚟做咩，幾個警方人員喺度猛問江森點解唔見咗，但咩都查唔出只會放流料厄讀者。連書名都咁九唔搭八，《華麗的喪服》——只係阿八重鐘意嗰件衫而江森又著住哩件衫去報仇咁解，但寫哩件衫嘅內容全書只有幾行字，而作者竟然用哩件衫做書名，到底係唔係傻咗=_=|||本書由開頭慢慢睇落去好似幾好，但睇到最後實在令我想摔書。

今日開始睇嘅書係土屋隆夫嘅《華麗的喪服》。

heat project上士升7階。

龍魂都幾令OTZ，不過只係CB廢事鞭佢。

到底哩啲僱主係唔係發高燒？我上勞工署網頁睇派傳單啲工，見到啲咁嘅嘢：

名稱 ： 傳單員

每小時$20.00, 成功售出一部電腦有$30佣金

小三程度; 良好普通話; 良好英語; 具有基本電腦操作知識; 勤奮及有責任心

今日精神上都係好唔舒服，諗到搵工，諗到嘅嘢無樣係好事。阿媽又提麵包鋪，而且仲係同一間OTZ 打算哩幾日都係上勞工署揭吓睇吓習慣吓先。唉……派傳單工都唔易搵。

GAME方面，聽日龍魂CB，HP上士升4階，已經夠錢買銀狙，不過到血到士官長先可以買同用。衣家都習慣晒同啲十幾歲開頭人士做玩伴……不過真人面對面的話可能會互毆。

今朝發咗個好差好差嘅夢，不過衣家到咗夜晚我已經唔係好記得個夢有咩內容。不過今朝感覺真係好差，我喺今日之前從來都未試過瞓覺會瞓到流眼淚。

睇完《末日小鎮》，覺覺好好，不過結局唔係好明。

GAME方面，哩幾日內要上GE收返啲貨，HP上士升2階。