一個毫無聖誕氣氛嘅聖誕，不過或者咁反而比較輕鬆無負擔。今年都只係挖咗50蚊同三家姐夾份買禮物比姨甥，都無買嘢比其他人，而其他人亦一樣好省。禮物係收到一件，不過唔係我杯茶。覺得有種老氣之感……覺得聖誕樹、聖誕佈置、聖誕咭、聖誕party係年輕人專利，所以我已經無份，當然缺錢同無朋友亦係重要因素。
GE好快又玩到悶悶哋，於是走去寫小說。字數已經過一萬，對白好多、好多、好多……不過用旁白會更加惡頂。今次少見地，哩篇文同之前嘅章回有某些關連。好似再次登場嘅雪琳同亞爾曼、略略重提過森普斯點樣認識佢哋、提到協會、提到森普斯回想起法拉路，唔似以前嘅章回咁獨立。
GE方面，今日試過去1升，效率都OK。不過真係幾悶，換咗80開拓之後就無目標。小隻都係難升，有大隻帶始終都係要掛餐死，但又無咩地圖適合小隻自己練。唉……舊時嘅GE咪幾好，但原廠同華義又改改改，改到鬼五馬六。自從有咗開拓，我就一直無衝過裝亦無點洗過裝。懷念以前喺科因，企喺蘇活嗰度衝+5嘅感覺。仲有以前遊俠帶住兩把+6發光長劍，喺船入面掃嘅時候。
