無聊啊……好無聊啊。81keys隻槍兵唔想繼續升，因為啲技能點到亂七八糟。但重練一隻我又覺得唔值得，因為81keys真係無咩內容。個game只係最初期感覺討好(人物、畫面、介面之類)，但玩落去真係唔得。我諗……或者其實整game嘅人都唔鐘意打機(唔單指81keys)。

聽日潘多拉傳奇公測，不過都無咩興致。睇過官網，似乎都係無咩內容。驟眼睇好似好自由，種族有5個，職業無綁定，可以配點。但仔細研究，發現我最理想嘅人物配出嚟竟然係「人類槍盾騎士」！！！我明明係想配帥帥嘅攻速系二刀流近戰，但左度右度竟然變成保守人士。自由只係表面，仔細諗過之後其實都只係普普。cb玩家亦都話配點效果唔明顯……

鼠魚同孔雀都死咗啲，唔知咩事。就咁望個缸唔似有咩唔妥，環境都唔似會比舊缸差。但啲魚陸陸續續咁死，遲啲唔知會唔會死哂。仲以為會早死過佢哋……如果死晒點算好？我希望我死嘅時候四周環境可以依舊，不過買新魚返嚟好似好不負責任。

另，近哩三兩日應該都唔方便死。