雖然對81keys有若干批評，不過大致上都玩得幾開心。覺得佢又無咩非常明顯嘅優點，但唔知點解就係能夠令到玩家個心情感覺幾好。

衣家槍兵45等，喺詠夜鎮影嘅相：

學者十五等裝，好靚同好有鄗件feel，有翼係因為比人放咗輔助技：

放闇匙：

覺得自己到衣家未死得，好大程度係因為game癮起。原本只係話想槍兵一轉，搞搞吓就想封頂，孜走去開露露開瓦塔。記得之前講過，有日喺game有人密我，當時我覺得佢可能係世上最後一個密我嘅人。但後來拖吓拖吓，之後差唔多日日都有人密我=.="(之前玩第二啲game好少有人密我)。至於嗰件事啊……覺得最佳時機總會等到，可能好快妄都可能好慢……總之嗰日到之前就淆住先囉。吊game癮時當然係去打機啦，唔會去攞繩……就好似想食飯時唔會走入廁所。game癮……或者無癮可以殺得死人。

病咗，喉嚨痛、發燒、流鼻水、鼻塞。

今朝發咗個怪夢，夢起自己同同伴們潛入一幢巨型玻璃大廈(或者應該形容得更誇張)，係為咗殺死被人類囚禁喺上高嘅女神。本為靈體嘅佢先被囚於人身，然後人身又再被囚。囚禁佢嘅人逼使佢幫仿造出天上之城，而哩個仿造品就係哩一堆玻璃大廈。不過哩一堆嘢始終都係次貨(假嘅係物質，真嘅係非物質)，要真嘅天上之城降臨，就要殺死女神，令佢從人身得到解放。發哩啲咁嘅夢，我一定係怪書睇得太多。