出咗糧，同埋份工有得繼續打落去，所以覺得應該為自己喺工作方面做多啲嘢。買咗手套同潤膚乳好抵擋冬季嘅寒風，同埋令工作時間好過啲嘅耳筒收音機。

(閱讀全文)

今日遇到好多巧合嘅事，遇到消防員、救護員、女廁謎之老人、警察、戴頭套嘅疑犯，而且仲喺公司遇到中學舊同學。不過遇到舊同學我並唔開心，我唔係咁想諗學生時代嘅嘢，亦都唔想哩一類相識對我衣家嘅生活方式有好奇心同評價。此外，亦唔想聽見自己個名，我真係好憎自己個名，唔想有人叫我。

人物——女武鬥家：

(閱讀全文)

(閱讀全文)

(閱讀全文)

睇咗《樓下的房客》，係覺得作者幾有創意，不過我唔鐘意血肉模糊嘅小說呀。我都唔係好清楚……其實有無人會特別鐘意睇哩啲核突恐怖嘢架？我就覺得好難理解，點解有人會去特登寫同特登睇。如果我去寫哩啲嘢，我會諗自己係咪心理變態。相比起暴力，其實黃色係咪健康得多？定係只係我睇得太過認真？

(閱讀全文)

屋企方面就有啲唔順心，覺得屋企人並唔接受我新嘅生活作息。我覺得其實都唔係有咩大差別啫，哩個星期返晏，所以唔喺屋企食飯，沖涼遲咗咁大把啫。但佢哋好多事幹，一時又話要等埋我先洗衫，一時對我嘅晚餐指指點點，我先沖涼後食飯又話我怪。搞到我周身都唔自在，連食咩嘢、幾時食、嗻外面食定買返屋企食、幾時沖涼換衫都要思索一番。都唔知佢哋想點，又無實質建議比到我，只係會屎面又或者講埋啲怪嘢。我衣家去返工喎，又唔係出去玩玩到唔識返屋企，做咩對我屎面呀？

(閱讀全文)

今日返工依然係攰、痛、超眼瞓，照照鏡見到自己都瘦咗。又唔算話唔開心嘅，不過硬係……覺得「我哩個人」同「工作」拉埋一齊就無好事。頭先我放工返嚟，屋企人留咗薯條比我，我竟然連埋個紙盒一齊放入焗爐焗，不過好彩無燒著。返工返到腦殘囉……我唔洗返工時唔會咁。假如我又返工又做主婦，我諗只要幾日就會煤氣爆炸。有時諗，會唔會有啲人……唔係病唔係傷殘，但並唔適合返工架呢？今日喺商場廁所聽到廁所阿嬸傾計，阿嬸甲講：「咁份工都幾好喎，佢點解唔做呀？」阿嬸乙答：「佢身體唔好，做做吓暈咗。」類似哩啲之類(雖然我覺得暈同病差唔多)。

(閱讀全文)

人際方面啊……同自己公司人都無咩點，而「無咩點」其實應該可以當係良好。反而覺得其他公司嘅同行……關係好似唔知點咁。有時佢哋會望住我，但我唔想有更多接觸。所以對方只係望而唔接觸我，我都唔會去主動接觸對方。覺得識得嘅人越多就越麻煩，我一向唔鐘意應酬人，而且係唔熟嘅人就更加覺得應酬對方好唔抵。之前提過有個同行會同我哈拉，不過我逐漸覺得佢煩，佢問咗太多我唔想答嘅嘢，亦比咗我太多我並唔需要嘅意見。我只係嚟工作，就只係咁，我唔想令事情複雜化。

(閱讀全文)

(閱讀全文)