文章分類: 日記 (舊城廣場二十五號)

81KEYS相．瑣事

no0025 — Wed, 28 Jan 2009 16:19:26 +0800

雖然對81keys有若干批評，不過大致上都玩得幾開心。覺得佢又無咩非常明顯嘅優點，但唔知點解就係能夠令到玩家個心情感覺幾好。

衣家槍兵45等，喺詠夜鎮影嘅相：

瑣事

no0025 — Thu, 15 Jan 2009 22:03:22 +0800

=3="部機跑唔郁潘多拉傳奇，可惜。雖然對近戰有啲抱怨，不過對苦修士有啲興趣。此外連81keys都唔知做咩開唔到，搞到我尋日要返heat project。不過hp嚇死人，等返一千零一個ser，入面仲有啲好奇怪嘅人喺度搗亂，完全無法無天，搞到我又要轉cso。

瑣事

no0025 — Wed, 14 Jan 2009 17:44:38 +0800

無聊啊……好無聊啊。81keys隻槍兵唔想繼續升，因為啲技能點到亂七八糟。但重練一隻我又覺得唔值得，因為81keys真係無咩內容。個game只係最初期感覺討好(人物、畫面、介面之類)，但玩落去真係唔得。我諗……或者其實整game嘅人都唔鐘意打機(唔單指81keys)。

(閱讀全文)

瑣事

no0025 — Tue, 13 Jan 2009 11:14:35 +0800

好似又夢遊……前晚郁過隻襪，而尋晚我鎖咗門瞓，但今朝我發現道門只係掩埋。唔知我有無夜嘛嘛走咗出去，不過又唔想屋企人半夜有無見到我。

死咗兩隻鼠魚，另外幾隻可能都會死。衣家準備大量換水，希望會有改善。

(閱讀全文)

瑣事

no0025 — Mon, 12 Jan 2009 19:28:35 +0800

電腦又拉柴搞咗我N個鐘頭，81keys維修之後更新慢到嘔……今日都無做過啲咩，只係亂揭漫畫，瞓覺，喺電腦前面發呆咁。拿起筆喺筆記簿上塗鴉，不過滿足感係零。好空白，覺得自己好似只係頂住一張人皮，內裡只剩一堆碎屑同舊到已經無意思嘅回憶(人渣嘅正解？)。

(閱讀全文)

瑣事

no0025 — Sun, 11 Jan 2009 22:44:02 +0800

病病哋，有少少發燒，打乞嚏，幾聲咳，少少鼻水。真會挑時間，嗰件事總係因為哩樣嗰樣而一拖再拖。

喺81keys終於夠job等轉職，等聽日做完轉職任務就會成為槍兵。不過轉完之後，亦都再無咩目標玩落去。

瑣事

no0025 — Sat, 10 Jan 2009 22:46:55 +0800

仲未一轉OTZ……衣家喺北岸狂打獸人。耍自閉，26等自己一條友走去單挑28等獸人將軍。係神經唔正常嘅人先會做嘅嘢，不過曼後都係羸咗。今日玩到尾竟然有人密我傾計，好感慨……

(閱讀全文)

瑣事

no0025 — Fri, 09 Jan 2009 10:41:52 +0800

今日依然又攰又眼瞓……尋晚瞓覺時明明關咗窗，但今朝發現開咗，懷疑自己夢遊症又發作。不過居然識得蓋返被，我覺得好不可思議，我一向清醒時都蓋唔好啲被。

喺81keys升到25lv，已經無咩好玩。真係可惜，難得啲場景同人物幾討喜。如果講到蒐集怪物相關物品方面……都係童話嘅幻獸卡同娃娃比較吸引。81keys嘅係儲鑰匙開資料，並無打到寶嗰種興奮感，本蒐集簿亦都唔夠精緻。不過童話掉卡、娃率太低，入到game都唔敢期待會打到啲咩。早日比芙羅拉追打，我或者應該向佢大叫一句「I am your father！」=.=|||

(閱讀全文)

瑣事

no0025 — Thu, 08 Jan 2009 22:11:42 +0800

鏟咗一截blog，因為唔想太過高調，令人產生「點解咁耐仲未死」嘅想法。衣家等緊運到，我始終都係個凡事講靈感嘅人。另外，有啲技術問題，需要想辦法甚至做實測處理。不過哩幾日總係覺得攰，覺得眼瞓。

81keys大家玩咗一段時間，哩個game嘅問題陸續浮現。希望華義可以整整佢，就咁由得佢放爛太浪費。

今日喺大家樂，碗忌廉湯落咗煙肉，陣焦味唔知係咪同佢有關。原本想再行遠行啲……因為唔知以前仲有無機會去，不過諗到會遇到麻煩嘅人(啲派之傳單前同行)就放棄咗。想安寧過日子真係咁難？出一出街都綁手綁腳，或者我真係唔適合留低。

聖誕．小說

no0025 — Thu, 25 Dec 2008 22:38:37 +0800

一個毫無聖誕氣氛嘅聖誕，不過或者咁反而比較輕鬆無負擔。今年都只係挖咗50蚊同三家姐夾份買禮物比姨甥，都無買嘢比其他人，而其他人亦一樣好省。禮物係收到一件，不過唔係我杯茶。覺得有種老氣之感……覺得聖誕樹、聖誕佈置、聖誕咭、聖誕party係年輕人專利，所以我已經無份，當然缺錢同無朋友亦係重要因素。

GE好快又玩到悶悶哋，於是走去寫小說。字數已經過一萬，對白好多、好多、好多……不過用旁白會更加惡頂。今次少見地，哩篇文同之前嘅章回有某些關連。好似再次登場嘅雪琳同亞爾曼、略略重提過森普斯點樣認識佢哋、提到協會、提到森普斯回想起法拉路，唔似以前嘅章回咁獨立。

(閱讀全文)

聖誕禮物．新派傳單員．GE．夢

no0025 — Wed, 24 Dec 2008 12:44:53 +0800

今年買比自己嘅聖誕禮物係《追尋歐洲小販的歷史旅程》：

原本想買張華義點卡，換10個安德列箱子幫角色裝裝身。不過我上官網同上巴哈，都係搞唔清楚安德列箱子會開出咩嘢。加上買華義點卡又麻煩，喺街上猶疑之時入咗書店，結果就變咗買書。另，GE商城嘅嘢真係貴到嘔血=_=|||除咗安箱同克箱，其他嘢我完全唔考慮會買。

(閱讀全文)

GE

no0025 — Mon, 22 Dec 2008 22:45:05 +0800

今日狙擊手都升到80lv，狙擊手換咗80等開拓大衣、80等開拓長槍，而斥候都換咗80等開拓皮甲。84進化唔洗諗，因為實在勁貴。

(閱讀全文)

《噬血聖母的噤聲曲》．GE

no0025 — Sun, 21 Dec 2008 12:22:56 +0800

剛開始睇《噬血聖母的噤聲曲》，不過我相信我好快就會放棄睇落去。哩本書啲句式好怪，唔知係翻譯問題，定係佢原著就係咁嘅鬼樣。喺第七頁有一句好經典，一句句子32個字。不過論到難明難讀，都係第九頁嘅比強——「就算這個房間不像你腦中浮現一位將一生都奉獻給警界的員警時」，就算我打埋下面嘅幾句句子上嚟，都唔見得會變得比較好了解。都唔明點解咁嘅文句都可以過到骨，出版社到底喺度搞咩？九角文化事業有限公司……之前未聽過。

(閱讀全文)

瑣事

no0025 — Sat, 20 Dec 2008 23:50:00 +0800

入得返GE，不過今次聖誕活動真係唔係幾好玩，只係算好過無咁解。衣家斥候79LV、小貝78LV、狙擊手77LV，喺肯扎慢吞吞咁UP LV。打算小貝升80LV時換80等開拓散彈比佢，用嚟帶小隻用。

小說方面，《亡者殿堂》計劃得唔夠周密，所以好多地方都要修改。原本雪琳今次唔會出場，不過因為種種問題，需要叫返佢出嚟幫忙處理處理。而哩個故事完咗之後，就會係「協會」嘅事，然後或者就會講到雪黛……不過佢嘅事我仲未安排好晒。

瑣事

no0025 — Thu, 18 Dec 2008 10:05:02 +0800

咩樂會學字LU~~

(閱讀全文)