嘮囌．《池袋西口公園》．新畫

no0025 — Wed, 08 Oct 2008 10:53:38 +0800

發吓嘮囌……都係上一份嘅事。嗰時我返工會返兩間鋪，因為兩間鋪係同一個經理管。我主要返A鋪，而另一間就係B鋪。而同一件好簡單嘅工作，兩間鋪竟然有唔同嘅做法。哩個工作就係喺相袋蓋日期，一個袋總共蓋兩個。我係喺B鋪第一次做哩個工作，叫我做嘅係I同事，而經理當日喺A鋪。

I同事教我是但蓋，快就得，蓋得唔清楚無所謂(個印係有啲問題)。我就照做啦，不過有一個袋真係唔清楚得好離譜，日期由1X號變成1號，所以我用筆補返個X。不過同事I見到就猛話唔洗，好似嫌我姿整咁。而第二日喺A鋪就剛剛相返，經理叫我慢慢嚟，話最緊要蓋得清楚，不過我照做佢又嫌我做我唔夠快(哩啲就係傳說中嘅「慢慢嚟，唔洗急，最緊要快」？)。